ORANJESTAD (AAN): E siman aki, e cambio di balor di Dollar a yega varios momento na puntonan record na Colombia.
Diaranson mes dado momento el a yega te na su maximo historico di 4.900 Pesos, pa despues cay bek na un prijs promedio di 4.885,54 Pesos.
Riba Diahuebs el a subi atrobe pasando 4.925 pesos, pa despues cay bek pa 4.850 Pesos. Sinembargo Diahuebs atardi e mercado a kera, na 4.904 Pesos.
E superintendente financiero na Colombia, Jorge Castaño a expresa cu nan ta mirando incertidumbre constante dilanti e subida di Dollar.
Ya caba, e moneda Colombiano ta pasando e 12% di e devaluacion anual den ultimo dianan, y asina e lo bay posiciona su mes den e monedanan mas devalua na nivel mundial, respondiendo principalmente na salidanan importante di fluho di capital di mercado Colombiano.
Awor ta tarea di autoridadnan pa genera confianza den economia Colombiano, y e Dollar ta un indicador di esey. Pero ora cu mas divisa y inversion ta saliendo di e pais, compara cu loke ta drentando, e ora Dollar ta subi. Y e consecuencia ta wordo paga door di famianan Colombiano.
