ORANJESTAD (AAN): E docente di Papiamento, Señora Geraldine Nadall, ta forma parti di e recien graduadonan di segundo grado di Instituto Pedagogico Arubano (IPA).
Actualmente, Señora Nadall ta eherciendo e Master Lerarenopleiding Papiamento di dos aña via Universidad di Curaçao Dr. Moises Da Costa Gomez na Aruba. Durante e reunion a dialoga riba e importancia y balor di e idioma Papiamento aki na Aruba. Ademas, Señora Nadall a presenta diferente oportunidad di trabao cu por crea pa e docentenan di Papiamento pa e aña escolar venidero.
Manera ta conoci, un grupo grandi di docente di Papiamento a gradua aña pasa y mirando cu no tabatin vacatura habri pa tur den enseñansa, hopi a keda sin trabao e tempo ey. Minister Endy Croes a crea algun posibilidad di trabao y a logra aloca mayoria di e grupo aki diferente caminda, entre otro, Departamento di Enseñansa. Minister Endy Croes ta sigui busca solucion pa minoria di e grupo aki cu ainda no a haya trabao. Minister Endy Croes ta desea Señora Nadall hopi exito cu su estudio di Master Lerarenopleiding Papiamento.
