District Governor di Lions District 35-N a bishita Prome Ministro

ORANJESTAD (AAN): Recientemente Prome Minister Evelyn Wever-Croes a reuni cu District Governor di Lions District 35 N, señor Jim Campbell y e dos Lions Club di Aruba.

   Lions Club internacionalmente ta acudi na e yamada pa sirbi necesidadnan medico, alimenticio entre otro unda mas tin mester. Lions Club Internacional ta conta cu mas di 1.4 miyon miembro cu ta traha cu e mesun meta, esta pa sirbi nan comunidadnan.

   Durante e encuentro agradabel, e organizacion importante aki pa nos comunidad a pone Prome Minister na haltura di e trabaonan cu e fundacion ta ehecuta den comunidad riba diferente tereno unda cu mas nan ta mira e necesidad.

   Prome Minister a gradici señor Campbell pa su bishita y alavez a felicita y gradici Lions Club Internacional, e dos clubnan na Aruba en especial, pa e trabaonan di servicio cu nan ta brinda na nos comunidad. “Sigui cu e tremendo trabao”, Prome Minister a expresa.