ORANJESTAD (AAN): Den un entrevista cu DIARIO, Directora di Departamento di Impuesto (DIMP), señora Luenne Gomez-Pieters a duna
un relato di e sumanan di impuesto cu ta generando mas entrada. Esakinan, el a enfatisa, ta mara na actividad economico, cu ta algo hopi positivo pa nos pais.
Winstbelasting a conoce un aumento di 38.3 miyon Florin mas cu e aña anterior. A genera den total di 248 miyon Florin. Esaki, señora Gomez-Pieters a expresa ta un suma hopi grandi, y ta premira cu e trend aki lo sigui subi. Esaki segun e, tin mas negoshi cu ta trahando cen, nan ta hayando ganashi enbes di sufri perdida. Pa loke ta trata dividend belasting, si tin reservanan di winstbelasting, como accionista, bo ta haya fruto di trabao for di dividend uikering.
Grondbelasting tambe a conoce un aumento di 6.7 miyon Florin compara cu e aña anterior. Esakinan ta bin door di propiedadnan cu a wordo registra of cambionan cu a cuminsa registra den e sistema di Departamento di Impuesto.
Un di e drivers mas grandi di entrada, segun e directora di DIMP, ta e cobransanan di BBO, BAZV, BAVP. Esaki ta un cobransa indirecto cu tur ciudadano y turista ta paga. Esaki a genera un entrada di 318.8 miyon Florin pa caha di gobierno door di e departamento di DIMP so. Apart di e entrada aki, departamento di Duane ta cobra BBO na frontera, y si añadi e suma aki, e lo yega entre 400 pa 500 miyon Florin na entrada pa pais Aruba.
