ORANJESTAD (AAN): Recientemente Gobernador Alfonso Boekhoudt,
a ricibi den audiencia Sr. Walter Mosherm kende desde Februari 2026 ta e Managing Director di Free Zone Aruba N.V. E motibo di e bishita aki tabata principalmente pa por a cera conoci cu otro.
Free Zone Aruba N.V. (FZA) a wordo funda na aña 1996 como unico compania di gobierno (naamloze vennootschap) cu ta propiedad completo di Gobierno di Aruba y cu ta opera bou supervision di Ministerio di Asuntonan Economico. FZA entre otro, ta encarga pa promove e zona di comercio liber di Aruba y ta maneha y desaroya e sitionan y facilidadnan asocia cu esaki, pa sostene comercio y inversionnan internacional. E potret aki pa cortesia di Kabinet Gouverneur Aruba.
