ORANJESTAD (AAN): Director di Biblioteca Nacional Aruba, sra. Astrid Britten, a ricibi e ‘Buki di Pret’ edicion 2022 for di sra. Kitty van der Knaap.
E buki aki ta specialmente pa e muchanan di Aruba: 'Buki di Pret', un buki cu hopi actividadnan leuk y barata den vakantie grandi.
Segun sra van der Knaap, e ‘buki di Pret’ ta hopi diberti pa muchanan por pasa tempo na cas durante vakantie escolar na Juli. E tambe ta contene hopi tips riba kico pa haci den vakantie grandi, entre tanto tin actividad na biblioteca.
E buki ta gratis y ta duna informacion di 60 diferente actividad y oferta. Hopi cos leuk pa mucha scoge y mayornan haya idea riba actividadnan cu nan por disfruta di dje cu nan yiunan.
