Tene cuenta ora di cita pa busca plach'i number:
ORANJESTAD (AAN): Departamento di Impuesto (DIMP) ta haci un apelacion na tur persona y compania cu tin cita pa busca plach'i number, pa sea asina bon di controla boso e-mail. Si Bo a laga un otro persona traha un cita pa Bo, please puntra e persona si el a haya mail. Kisas e ta hayando mail di Bo y Bo no sa. Esaki no ta conta pa pensionadonan.
Confirmacion di cita
Nan sistema di cita ta genera un mail di confirmacion inmediatamente despues di haci e cita. Si acaso Bo no a ricibi un mail, esey ta nifica cu algo no a bay bon. Kisas Bo no a 'submit' e cita of Bo no a yena bo e-mailadres corectamente.
Recordatorio
Prome cu bo fecha di cita, Bo lo cuminsa haya mail di recordatorio. Bo lo ricibi 3 recordatorio. Alabes e mailnan aki ta duna Bo informacion importante relaciona cu bo cita.
Fecha por cambia
Por sosode cu DIMP a cambia e fecha di bo cita pa un fecha mas dilanti of pasobra Bo mes a pidi pa hala e fecha mas leu por ehempel debi na estadia den exterior. Ora cu DIMP 'reschedule' un cita, nan sistema ta genera un e-mail mesora pa informa Bo di e fecha nobo.
Documento no ta na ordo
Ora nan administracion ta controlando bo documentonan y si resulta por ehempel cu e pago no ta corecto of seguro a caduca, nan lo manda Bo un e-mail pa informa Bo.
Fecha a pasa
DIMP ta hayando casonan di personanan cu no a bay busca nan plachinan debi cu nan no a controla nan mailnan of no a controla mail na tempo y nan fecha di cita a pasa. Den e caso aki DIMP lo coopera pa yuda mas lihe posibel. Sinembargo nan no por garantisa cu Bo lo ricibi bo plachinan riba e mesun dia cu Bo a contact nan.
DIMP ta trahando duro pa yuda Bo ricibi bo plachinan. Tur comunicacion entre DIMP cu bo persona ta sosode via e-mail. Sea asina bon di controla bo mailbox regularmente.
