Minister di Finanzas cu introduccion cortico:
ORANJESTAD (AAN) – Minister di Finanzas Xiomara Maduro, a haci un introduccion previo na e informacion cu Director di Departamento di Impuesto (DIMP), Luenne Gomes- Pieters, a duna prensa, relaciona cu BBO.
E mandatario a señala cu nos tur conoce BBO desde aña 2007 cu el a wordo introduci. El a haya un cambio pa locual ta tarifa, despues a bin acerca BAZV, y BAVP tambe, y awor ta bay conoce e cobranza na frontera.
Como ta trata frontera, Departamento di Aduana la splica con esaki ta traha, con e brokernan lo tin cu atende cu esaki cu e sistema electronico cu ta conoci caba desde 2014, esta e Sistema Asycuda cu ta wordo uza ora tin importacion. Den e sistema aki ta bin e cambio den e cobranza di BBO.
