Kathy Paskel, Director:
ORANJESTAD (AAN)-- Señora Kathy Paskel, director di DIMAS, a duna di conoce den entrevista cu DIARIO, cu e ta den combersacion cu e dunadornan di trabao, pero e luna aki e reunion no a tuma lugar pa motibo di vacancy, pero ta trata di un esfuerzo di e Institucion pa yuda e personanan cu a aplica aña pasa, pa un permiso yama “brugjaar”.
Seguidamente, Kathy Paskel ta splica: “Locual DIMAS ta haciendo ta cu di e 1500 personanan cu a aplica aña pasa y a haya un permiso pa loke nos ta yama ‘brugjaar’, cu nan a haya un aña di tempo pa nan busca un dunador di trabao, e data aki DIMAS tin’e na disposicion di e dunadornan di trabao, pa medio di un link, pa e personanan mes por bin den contacto cu esnan cu tin e cualidadnan pa e job cu nan tin vacante, y entrevista nan pa wak si nan por, dentro di un aña cu e permiso a wordo duna, haci e cambio pa nan bin traha cerca nan permanentemente. Esaki ta e esfuerzo cu di nos banda nos ta haciendo pa 1500 hende”, Kathy Paskel a expresa.
El a agrega cu DIMAS kier pa e personanan ey haya un chens pa por haci e switch pa un trabao regular, y si nan n no logra den un aña, anto nan no lo tin extension di e permiso ey mas.
Kathy Paskel a señala tambe cu e lista di excepcion ta un lista cu ta wordo evalua periodicamente, pues tambe den consulta cu e Departamento di Labor, unda cu ta monitorea e necesidadnan y tambe den consulta cu e gremionan pa wak si e lista ey mester wordo amplia despues.
“E no ta un lista estatico. E ta un lista cu por cambia y aworaki tin posicionnan cu ta riba dje, cu nos ta wak tambe cu e dunadornan di trabao ta buscando riba e lista.
