Digicel su campaña di fin di aña ta pa uni henter famia

Tempo ta e miho regalo! 

Un fin di aña dibertido y cu premionan fantastico!  

ORANJESTAD (AAN): Digicel un biaha mas ta crea experencianan inolvidabel, y den esaki ta pone clientenan central. Segun Lizzie Arends, Marketing Executive di Digicel Aruba, e temporada aki ta pone enfasis riba elemento “tempo”.

Esta bunita pasa temporada di fin di aña hunto den famia, cu sernan keri, amigo y coleganan.

Ta despues di 2 aña cu nos por brasa otro y sinta na mesa pa un cena di Pasco. Pasa tempo hunto; a bira e regalo mas balora! Roeland van der Hoeven ta comenta cu e aña aki clientenan un biaha mas lo tin e oportunidad di gana premionan extraordinario participando campaña y promocionnan dinamico di Digicel.

“Nos tin mas cu $10,000 na premio e temporada aki! Aumento di prijs di tanto comestibel y combustibel causa pa situacion mundial a pone precion riba presupuesto di tur hende. Ta p’esey mes di un manera dibertido nos kier duna tur cliente chance di gana, incluyendo premionan cash!”

Duna bo famia e ‘Regalo di Tempo’:

E temporada aki ta ideal pa pasa tempo cu bo sernan keri. Pa esunnan cu tin famia den exterior; un conexion di Digicel ta sinti manera ta akinan mes! E ta mucho mas cu ricibi ‘data sin fin’, e ta nifica experencia momentonan inolvidabel. Pasa tempo riba un ‘video of voice call’, mira ‘live stream’ di famia, y amigonan bibando den exterior. 

Un regalo pa tur miembro di famia:

E fin di aña aki lo por tin un regalo pa tur miembro di famia of amigonan ya cu Digicel lo ofrece 25% di descuento riba telefon postpaid y prepaid. Ademas, clientenan prepaid lo ricibi 40% di descuento riba e Samsung A03 Core cu posibilidad di cumpra un telefon DL4 pa solamente AWG 99. Clientenan postpaid nobo lo ricibi un Samsung A13 gratis ora suscribi na un contract di 2 aña pa e plan ‘Prime More’ di AWG 140 pa luna.

Bo tempo ta bal, premio na granel!

Pa cada florin clientenan postpaid y prepaid lo ricibi un lot, esaki ta duna chance di gana premionan semanal y drenta e ‘Cash Vault’! E ‘Cash Vault’ ta un kluis yen di aire y placa ficticio; unabes activa, e placa lo circula manera un ‘twister’, e cliente mester purba ‘gara’ mas tanto placa of premio cu e por. Activa un Prime Bundle of paga bo factura postpaid- tur esaki facilmente den e MyDigicel App.

Regala bo ser keri un telefon y acumula bo lotnan. E lotnan ta bal ‘tempo’ den Digicel su ‘Cash Vault’.  Tur diabierna, cuminsando dia 24 di November, lo yama 2 cliente ganador pa drenta Digicel su ‘Cash Vault’. Ta nifica cu bo mester tin bo telefon cerca. Clientenan ganador lo drenta e ‘kluis’ di Digicel. Cuanto premio abo por ‘gara’ den e minimo cantidad di seconde? Na final di e campaña lo tin un ‘Grand Prize Winner’. *Tin condicionnan aplicabel. 

Ta invita tur cliente pa keda pendiente ya cu tin hopi momentonan extraordinario cu Digicel lo comparti cu nan e fin di aña aki! Bishita e pagina di Facebook òf www.digicelaruba.com pa fechanan di Shopping Nights, mas detaye, regla y condicion di participacion. Digicel ta desea henter pueblo di Aruba un feliz temporada di fin di aña! E campaña aki ta valido for di 18 di november,2022 te 6 di januari, 2023.