Diferente unidad militar di Aruba a pasa den exitoso training pa ‘Caribbean Urban Warrior’ na Merca

ORANJESTAD (AAN): Informacion for di North Carolina na Merca, ta indica cu den e ultimo simannan, e mariernan di Marine Squadron Carib Aruba,

hunto cu mariniernan di Mariniers Detachement St. Maarten, y e pelotonnan di Boto di Aruba y Curaçao, a train hunto cu 2nd Reconnaissance Battalion di US Marine Corps Base Camp Lejeune, na North Carolina.

   Durante e training Caribbean Urban Warrior, a tene accion den e operacionnan di zonanan urbano y operacionnan anfibico cualnan tabata central.  Den teamnan chikito y specializa, e mariniernan a opera segun e asina yama ‘new force design’: Pues rapido, flexibel, y enfoca riba e meta.  Tambe a train hopi cu drones.  Pa prome biaha a haci training cu first person view-drones contra individuo- y gruponan.

   E tabata un training hopi realistico, den cual a combina rapidez, tecnologia, y e cooperacion internacional.  E potretnan aki pa cortesia di Defensa Hulandes.