Tres di nan celebrando 35 aña trahando
ORANJESTAD (AAN): Tur aniversario laboral ta mas cu simplemente un number - na La Cabana Beach Resort & Casino, e ta representa un capitulo den e historia di su empleadonan. Na 2025, durante e celebracion recien di aniversario, a conmemora no solamente añanan, pero tambe momentonan significante, amistadnan, y dedicacion, cual a forma e hotel den e modelo remarcabel cu e ta awe pa loke ta hospitalidad Arubiano.
Segun General Manager, Joe Najjar, e empleadonan semper a duna di nan mes pa cada experiencia di nos bishitantenan ta uno agradabel, y cada carera ta un milestone, un otro logro y testament n’e compromiso di e industria aki pa nos isla.
Entre esnan reconoci y premia tabata Elouise ‘Liesje’ Weyman, Romy Ras, Samir Hernandez, y Stella Herrera, cada uno marcando cinco aña di dedicacion y crecemento personal, como tambe teamwork.
Gregorio Milton y Gareth Rosa, a mantene e area safe pa tur bishitante pa dies aña. Stephanie Maduro, a completa diescinco aña di servicio di excelencia, Miguel Rasmijn, Evens Bastien, y Michael DaCosta, a inverti binti aña den desaroya, mantene y drecha e facilidad.
Maria Valero, Seferina Figueroa, Tessely Koolman, Alexandra Croes, y Miguel Martinez,
a dedica 25 aña, na cuida y sirbi empleado y bishitantenan. Jeanette Brooks, a brinda trinta aña di conocemento y liderazgo.
E tres individuonan aki a sobresali como lidernan tras e exito di e hotel. Hector Hernandez, Susan Estanislao, y Ninfa Jaranilla, a cuminsa trinticinco aña pasa, anto nan ainda ta e curason di La Cabana.
Nan trayectorio a cuminsa prome cu hopi otro empleado, y den cada reto y logro, nan a demostra kico kiermen ta realmente dedica. Nan ta leyenda, den cada skina y departamento di e hotel.
Hunto, nan tur ta carga un 375 aña di recuerdo, logronan y soñonan. Masha pabien.
