ORANJESTAD (AAN): Centro di Bario Noord ta entusiasma pa invita e comunidad di Noord pa bin pasa un anochi contento hunto na antesala di Celebracion di Dia International di Mucha.
DIARIO a haya sa, cu e actividad ta un ‘vijfkamp’, y e lo ta Diasabra 18 di November venidero for di 6:00 pm te cu 12:00 am. Un anochi di competencia den e disciplinanan di Ping Pong, un Indoor Sport; Futsal, un Outdoor Sport y un mini SesoSport, Karaoke y Competencia di Baile.
Forma bo grupo di 6 persona (3 mucha te 12 aña y 3 adulto), escohe un nomber pa bo grupo, inscribi te cu dia 15 November via telefon 586-7474 y of email na This email address is being protected from spambots. You need JavaScript enabled to view it..
Bin comparti un anochi alegre den Famia. Referente e actividad pa Celebra Dia International di Mucha, pronto DIARIO lo bin cu mas informacion, pues keda pendiente.
