Gasolin ta baha awe cu casi 5 cen
ORANJESTAD (AAN): Manera ta conoci, na Aruba riba tur segundo Diaranzon di luna, ta ahusta prijs di combustible pa e isla.
Pesey Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante awe 8 di Maart 2023:
Gasoline unleaded-premium ta baha cu 4,9 cen pa wordo bendi awor na 257,6 cen pa liter.
Diesel LS ta baha cu 25,5 cen pa wordo bendi awor na 234,8 cen pa liter.
Kerosin ta baha cu 41,7 cen pa wordo bendi awor na 222,4 cen pa liter.
E prijsnan ta inclui BBO/BAZV/BAVP.
E trend di combustible bahando di prijs a wordo nota tambe na demas islanan den Caribe. Na Jamaica mes, como 7 dia pasa tabatin reduccion bastante di prijs di gasolin (como 3,50 cen Arubiano), como tambe Diesel Low Sulphur.
