Diescinco polis a ricibi reconocimento di altocomisario Arnhem

Nombra como ‘Valuable Colleague’

ORANJESTAD (AAN): Vision y meta di altocomisario Arnhem ta pa inverti den e desaroyo di cada un personal den Cuerpo Policial Aruba. Cada personal ta contribui diariamente na e organisacion y na e seguridad di nos comunidad.

 Algun di nan ta visibel y otronan cu tambe ta importante cu ta aporta silenciosamente. Cada un personal nos tin bista riba nan, nan esfuerso, dedicacion y extra empuhe cu nan ta haci.

Tur colega merece nan aprecio, reconocimento y respet. Ta den e cuadro aki cada aña altocomisario conhuntamente cu mando policial ta escoge cada bez diferente polis cu ta wordo nomina pa e reconocimento di “Valuable Colleague”.

Diescinco personal a wordo nomina y a ricibi e reconocimento di mas halto door di Altocomisario Arnhem. E reconocimento aki sigur ta un ‘added value’ pa cada un personal den nan carera policial.

Altocomisario conhuntamente cu Mando Policial ta manda un palabra di gratitud y ta orguyoso di cada un personal cu e aña aki a wordo nomina pa “Valuable Colleague”, Masha masha pabien!