ORANJESTAD (AAN): El a acudi na su rebendedor faborito pa cumpra su numbernan di suerte pa sorteo di Catochi.
Y ora cu e numbernan a sali atardi, el a bira feliz cu el a gana!
Diamars el a acudi na oficina di Lotto pa reclama su premio. Despues di a revisa su ticket, a scan e barcode y e computer a confirma cu el a gana 8.000 Florin cu wega di Catochi Merdia.
Sinembargo, como cu el a hunga Multi-X pa e wega ey, y e bolita cu a sali tabata X2, esey nifica cu el a multiplica su premio 2 biaha, y a bay cu e premio total di 16.000 Florin.
Mesora a sigui e proceso pa transferi e premio la cuenta di banco di Diego. El a splica cu e ticket ganador mes el a cumpra na Key Lottery.
