ORANJESTAD (AAN): Tin un viahe grandi ta wordo prepara, pa asina peregrinonan di Aruba viaha pa Lourdes (Francia) na luna di September 2023.
Relaciona cu esaki, Diadomingo awor 16 di april 2023 lo bay tin un reunion cortico cu e persona Theu van Meijl, un di e guianan di Limburgse Bedevaarten, kende lo ta na Aruba e dia aki pa duna tur informacion y detaye concerni tocante e peregrinacion di 9 dia.
E viahe lo tin salida di Hulanda dia 19 di September, y unda lo regresa di Lourdes (Francia) pa Hulanda dia 27 di September 2023.
E reunion di Diadomingo awor lo ta na Kapel Huan Pablo II na Tanki Leendert pa 6.00 pm. Ta pidi tur peregrino pa yega na tempo pa cu e reunion cortico aki, esta di maximo 1 ora. Durante e anochi aki lo tin oportunidad pa tur esnan interesa haci pregunta concerni, y tambe por inscribi pa e bedevaart aki. Danki pa mustra interes, asistencia i participacion na e peregrinacion cu nos pa Lourdes 2023. Contact na Aruba ta Esi Croes na 582-1484, localizable na Paradera 39-A.
