ORANJESTAD (AAN): Durante e celebracion di Beatificacion di dr. José Gregorio Hernández na Sitio di Oracion na T.L. e mucha homber Diego Alexánder Londoño di 9 aña tabata bisti mescos cu Beato.
Na nomber di tur presente el a hiba e ofrenda floral. E mama di Diego tabata hopi emociona, pasobra p’e tabata un sorpresa cu a acerc’e pa su yiu participa na e santa misa aki. Diego a representa tambe tur mucha di Aruba, pasobra ta door di devocion di su mama, e mucha muhe Yaxury Solórzano Ortega di 10 aña a ricibi gracia di José Gregorio Hernández na maart 2017. Yaxury a ricibi un bala di scopet den su cabes y cosnan increibel a sosode cu ne. Ta e milager aki a haci cu Papa Francisco a converti e dokter Venezolano den Beato dia 30 di april ultimo.
Riba dos di e fotonan, por observa Yaxury na 2017 despues di su recuperacion y awo na 2021 pa e beatificacion di e dokter Venezolano.
Despues di e misa, e mama di Diego a expresa: “Cu tur esaki sea pa gloria di Dios.”
Tambe den Mateo 19:14 Hesus a bisa: “Laga e muchanan bini cerca Mi. No kita nan di bini, pasobra reino di Dios ta pertenece na nan.”
Ta mayornan ta esunnan prome yama pa guia nos muchanan pa e caminda pa misa pa topa cu Hesus.
