ORANJESTAD (AAN): Tur cos ta cla pa Diasabra venidero, esta 25 di October 2025 ta tene otro Pop-up Market na San Nicolas.
E actividad aki lo ta for di 9:00 am te 2:00 pm, na Plaza Lolita (dilanti Postkantoor San Nicolas). E ta bay bira un punto di encuentro pa creatividad y sabor local.
E biaha aki, mas cu 18 bendedor local lo ta presente cu producto fresco, creativo y traha na Aruba. A compronde cu pa e muchanan, lo tin pa e prome 150 mucha un treat gratis di sea Raspao of Cotton Candy.
Ta spera cu comunidad henter por sigui apoya e iniciativa y e empresarionan chikito den e Pop-up Market di Diasabra venidero.
