Evento reconoci di Aruba Lions Club
ORANJESTAD (AAN): Bon noticia pa comunidad! Un biaha mas Aruba Lions Club ta cla pa nan Feria di Salud pa San Nicolas y vecindario.
Aruba Lions Club den colaboracion cu Augustinus College, Xavier University, Mary Joan Foundation, Fundacion ABO, Aruba Vision Center, Quota, Fepoh y Smile Mobile ta hasi un invitacion pa henter Pueblo di San Nicolas y vecindario pa asisti na e Feria di Salud aki.
Tur persona cu ta interesa, lo tin oportunidad pa check nan colesterol, presion di Sanger, Sucu, Oido, Presion di Bista, Control di Pecho / Tripa, Limpieza di dentadura falso (protesis dental).
Aruba Lions Club hunto cu tur Partners ta extende un invitacion na un y tur pa ta presente Diasabra, dia 21 di November 2026 na Augustinus College entre 9:00 am pa 1:00 pm. No mester di haci cita y tur checkup ta gratis. Bin controla bo peso, sucu, presion, bista, oido, pecho, dentadura y cholesterol. DIARIO ta recomenda comunidad pa bay trempan pa asina nan haya cupo.
Aruba Lions Club ta bin ta haciendo esaki caba pa varios aña como e salud di nos pueblo mester ta un prioridad pa nos tur. Nan ta warda comunidad sin falta Diasabra otro siman na Augustinus College na San Nicolas cu ta situa como 200 meter pariba di Joe Laveist Sportpark, banda panort di Pastoor Hendrikstraat.
