ORANJESTAD (AAN): Diasabra 4 di Juni 2022 pa 7 or di mainta tin Santa Misa na Kapel di Alto Vista.
Den Kapel ‘Cas Curason di Maria pa 7 or am na San Nicolas. (Blue Army Center)
Prome cu Santo Misa ta resa Santo Rosario pa 6.15 “Misterio Gososo”, despues ta sigi cu Salve Regina.Ta invita henter e pueblo, deboto y fielnan pa asisti na e Santa Rosario prome cu Santa Misa. E ta entercede pa nos na nos Tata Celestial. Tur fielnan di Mama Maria ta bin resa e Santo Rosario pa bienestar di henter comunidad di Aruba
Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud. Pronto lo regresa na Aruba pa sigi gosa di un bon salud dentro di su famia.
Luna di Juni ta dedica na Sagrado Curason di Hesus. Caminda cu Dios ta, ey mi kier biba. E ta mi luz y Salbacion ta di ken mi mester tene miedo? Seňor ta fortalesa di mi vida, pa ken lo mi tembla?. Mi kier biba den cas di Señor henter mi bida largo. Cu Mama Maria den nos curason, nos Mama Celestial ta compaña nos den e caminda di Señor.
Ban hunto resa pa nos hogar y nos isla Aruba y henter mundo, pa tin pas y comprencion un
pa otro. Den nos oracionnan resa pa Oekrania y Rusia cu nan por yega na e pas desea.
