Diasabra atardi y anochi lo tin Art Festival na Palm Beach Plaza Mall

ORANJESTAD (AAN): Esaki ta un bon chens, pa bo sali y dal un keiro Diasabra atardi of Diasabra anochi, y bay bishita e Artista-

y Artesanonan local cu lo ta activamente participando den un fenomenal ‘Art Festival’ na Palm Beach Plaza Mall.

   Arte lo bay tuma henter e Mall over, y publico ta invita pa acudi gratis na esaki.

   Esaki ta bira e di dos biaha cu Fundacion Crea Arte Aruba ta organizando e evento aki.  Si bo ta traha algo creativo, of ta punta, que hubo, trece bo creatividad y participa.  Por yama 563-7111 of manda email na: This email address is being protected from spambots. You need JavaScript enabled to view it. tambe pa bo mustra tur hende con bo creatividad ta.

   DIARIO a compronde cu e Art Festival mes lo ta for di 4:00 pm te cu 9:00 pm y lo ta na di dos piso.

   E lo ta un chens unico pa bishitantenan mira di cerca algun obra di arte ingenioso cu ta demostra asina e caliber halto di creatividad local riba e isla.

   E organizadora Miriam de L’Isle ta spera cu publico lo sa di pasa bay mira e actividad aki, y el a indica cu ainda tin espacio pa mas persona bay participa na e expo aki.  Por yama of whatsapp na e number menciona anteriormente.