ORANJESTAD (AAN): Dia 1 di juli 2023 Rey Willem-Alexander, a pidi disculpa y pordon pa e historia di sclavitud den Reino.
Sclavitud transatlantico ta parti di historia di, entre otro, diferente pais Africano, Europeo, Sur-y Norte Americano y Caribe.
Den e contexto aki, e fecha 23 augustus di cada aña ta conmemora Dia Internacional di Memoria pa trafico di e personanan esclavisa y nan abolision.
E dia internacional aki tin como meta pa incorpora e tragedia di trafico di e persona esclavisa den e memoria colectivo mundial.
Di con dia 23 augustus? Den e anochi di 22 pa 23 di augustus 1791, na Saint Domingue, awe Republica di Haïti, e rebelion a cuminsa cu lo hunga un papel crucial den e abolision di trafico transatlantico di personan esclavisa.
Esaki nan a festeha pa promer biaha den varios pais, specificamente na Haïti (23 augustus 1998) y na e isla di Goree na Senegal (23 augustus 1999).
UNESCO Aruba ta contento di mira varios iniciativa di parti di gobierno, comision di conscientisacion, NGO’s y comunidad pa e topico aki..
