ORANJESTAD (AAN): Ultimo añanan ta poni cu cambio di prijs di combustible na Aruba ta cambia riba e di 2ndo Diaranson di luna.
Pesey mes, Gobierno a anuncia cu entrante awe Diaranson 11 di Januari 2023, prijs di
gasolin lo baha cu 12,9 cent pa liter.
Gasolin Unleaded Premium ta baha cu 12,9 cent, pa wordo bendi awor na 243,8 cent pa liter.
Diesel LS ta baha cu 19,9 cent, pa wordo bendi awor na 246,6 cent pa liter.
Kerosine ta baha cu 12,6 cent, pa wordo bendi awor na 228,6 cent pa liter.
E prijsnan ta inclui BBO, BAZV, y BAVP.
Siman pasa dia 1 di Januari 2023 tambe tabatin un cambio riba producto petrolero su prijs, pero esey mas bien a wordo pusha door di cambio di ley fiscal cu a drenta na vigor durante 2023.
Pues e prijs cu a worde anuncia dia 1 di Januari 2023 tabata djis cambio di e tarifa di gasolin, cu e extra cobranza di BBO nobo riba dje.
