ORANJESTAD (AAN): Diaranson awor lo tin e tan gusta ‘Full Moon Hike” pa esnan cu ta gusta cana den naturalesa, bao briyo di luna cla.
Un chens unico pa bo bay experiencia naturalesa di e isla bao di un luna yen, y mira e bunitesa natural fo’i un otro perspectiva.
E caminata aki di anochi lo sali for di Centro di Bishitante di Parke Nacional Arikok, y e hike aki lo hiba hendenan cu ta gusta cana y cu ta goza di naturaleza riba un caminda cu ta pasa door di Cunucu Arikok Trail, Sero Boonchi, y Sero Arikok.
Full Moon Hike aki lo ta Diaranson 12 di Februari 2025, for di 6:30 pm te cu 9:30 pm. E distancia lo bay ta 4,0 kilometer. Nan ta pidi tur hende pa bay cu un flashlight chikito, y cos chikito di come y suficiente awa.
Pa bo participa, bo tin di inscribi y registra di antemano! Corda cu cupo ta limita: Haci esaki na e website:
Prepara pa bo aprecia e buniteza di naturalesa den un forma respetuoso y conciente. Lo bo tin di paga pa participa, y ta ricibi pago na Centro di Bishitante Parke Arikok entre 6:00 pm y 6:30 pm, y e suma ta basa riba diferente factor, y esaki por lesa riba e website.
