Diaranson a raporta 75 caso nobo y 628 activo di Covid-19

ORANJESTAD (AAN):  Segun resumen di diaranson, 48 persona a recupera y un total di 75 caso nobo di COVID-19 a keda registra cual 5 ta no-residente y 70 ta residente.

E cifranan aki ta representa un 'Positivity rate' bou di residentenan di 26%. E cantidad di casonan activo di COVID-19 ta 628 y cantidad di fayecidonan relaciona cu COVID-19 ta 146.

Cifranan di COVID ta ilustra casonan nobo cu un average semanal di 62 caso pa dia y un average di 'positivity rate' semanal di 25% pa dia.

Actualmente na Aruba tin 48 persona interna debi na COVID di cual 14 ta den ICU y 34 riba piso general y na Colombia tin actualmente 16 persona den Cuido Intensivo.

DATONAN:

For di comienso di juli cu DELTA a haci su introduccion na Aruba por observa cu lamentablemente 39 persona na Aruba a perde e bataya contra e virus di COVID-19 di cual 6 tabata vacuna y 33 no tabata vacuna.

Den e grafico adhunto por observa tambe con e variante Delta a percura pa un cantidad record di 'opnames' den hospital compara cu data for di maart 2020.