Pa futuro alumnonan...
ORANJESTAD (AAN): Tur futuro alumnonan di otro scolnan cu lo kier cuminza atende Colegio EPI pa aña escolar 2025-2026, tin di tuma bon nota di esaki.
Colegio EPI ta organizando dos anochi special di “Open Dag” pa alumnonan aki. E ta solamente p alumnonan cu ta aworaki den Examenklas na nan scol, of cu a gradua caba.
E hecho cu tin 2 diferente fecha, ta depende ki rumbo e futuro alumno lo kier escoge, manera ta describi aki abao.
Fecha 11 Maart: Si bo kier bay den Unit Economia, tin e estudio di ‘Business”. Si bo kier bay den Unit Ciencia y Tecnologia, tin e estudio di ICT, Bouwkunde, Elektrotechniek, y Mechatronica.
Eseynan tur ta pa Diamars 11 di Maart 2025, for di 5:00 pm te cu 8:00 pm.
Fecha 12 Maart: Si bo kier bay den Unit Salubridad & Servicio, tin estudio di Zorg, Pedagogisch Werker. Si bo kier bay den Unit Hospitalidad & Turismo, tin estudio di Cook, Hospitality, Travel & Leisure.
Ta importante pa bo inscribi di antemano. Pa haci esaki bay na e website:
Corda bon, bo tin di registra na tempo y corda cu cupo ta limita. Si bo escohe e orario trempan, por bishita mas sesion. Por bishita tambe mas cu un anochi (teniendo cuenta cu e Unit). Bo por acudi cu solamente un mayor (un persona) extra. Tambe prepara y tribi di haci pregunta.
