Diamars ultimo Paseo Herencia a celebra Fin di Aña cu prensa y otro companianan como invitado

ORANJESTAD (AAN) -- Isaira Orman- Maya, Relacionista Publico y Manager di Mercadeo di Paseo Herencia,

den entrevista cu DIARIO a elabora tocante nan celebracion di Fin di Aña, con ambiente di Rincon Boys, cu a tuma lugar Diamars ultimo.

Tambe tabata tin e exhibicion di arte di artistanan local cu ta tuma lugar tur Diamars, entre otro actividadnan cu nan tin tur dia, pa trece e ambiente di Fin di Aña.

Esaki ta un celebracion cu tur esnan cu a yuda durante e aña, y Diamars tabata e ocasion pa prensa y diferente otro compania cu semper ta contribui cu Paseo Herencia su actividadnan. Asina aki, a duna un toke di aprecio y pa comparti cu nan tambe.

Isaira Orman a menciona cu na Paseo Herencia nan a experiencia un bon aña 2021, cumpliendo cu protocol y wardando distancia den aire liber. Pa 2022 lo sigui cu e mesun practica di keda cuidadoso alavez cu ta ofrece e publico un experiencia unico.

Pa otro aña lo sigui organiza eventonan pa e diferente dianan festivo cu tin, mescos cu lo keda haci promocionnan.