ORANJESTAD (AAN) - Studiantenan cu ta cla pa bay Hulanda, tin di prepara pa acudi na diferente anochi informativo.
E aña aki tambe mentor Lourdes Bramble conhuntamente cu Isha Goeloe lo bay tene un anochi informativo pa studiantenan cu ta bayendo Hulanda pa studia. Durante e anochi informativo aki lo elabora riba tur e rekisito nan cu ta importante pa nan preparacion den baymento di Hulanda y tambe den e comienzo di nan estudio y nan bida na Hulanda.
Topiconan: Voorbereiding op Aruba, Studiekeuze, Arubahuis, Begeleiding Mentoren, Plaatselijk Opvang Commissies, Huisvesting, Studiefinanciering (Arubalening y DUO) y hopi mas.
Registra mesora: Bo tin di registra bo mes, pa bo por participa na e anochi informativo aki. Bay na e link:
E anochi informativo aki lo ta Diamars 7 Februari 2023, for di 7:00 pm te cu 10:00 pm na Danza 55. E caya aki ta keda na Cunucu Abao. Dilanti Sasaki Service Station, bay panort y di 3er caya di asfalt bay banda drechi, y tuma e 1er caya di asfalt banda robez. Percura y sea sigur cu bo por participa.
