ORANJESTAD (AAN): Tanto Diasabra como Diadomingo cu a pasa tabatin barco den Waf di Aruba. Esey ta indicacion claro cu ‘High Season’ di crusero a cuminza.
Pa colmo riba Diamars 26 di November 2024, lo bay tin un total di 5 barco crusero den Waf di Oranjestad.
Tur cos lo start for di 6:00 am caba, ora cu e barco ‘Wind Star’ (capacidad di 148 pasahero), y Freewinds (capacidad di 360 pasahero) ta drenta Waf.
Despues pa 8:00 am, e barconan cu ta mara na Waf lo ta Celebrity Reflection (capacidad di 3.046 pasahero), Carnival Horizon (capacidad di 3.960 pasahero), y MSC Divina (capacidad di 3.502 pasahero).
Lo bay ta un dia hopi druk den centro di ciudad cu cantidad di peaton y trafico di vehiculonan.
