Tene cuenta!
ORANJESTAD (AAN): Dialuna 15 di Juli venidero ta e ultimo dia cu por aplica pa bira parti di e grupo di studiantenan nobo na Colegio EPI.
Ankie Danker, Directora General di Colegio EPI a duna di conoce cu algun di e opleidingnan a yena caba y mester a cera e inscripcion. Esunnan cu ta habri ainda ta Hospitality & Tourism y Economia.
A splica cu unabes cu e aplicacionnan cera, e studiantenan ta haya e factura pa paga e 'schoolgeld' y e licencia. E ora ey ta manda e informacion di scol pa e studiante via email.
Danker a duna di conoce cu ora cu nan a papia cu e hobennan cu a gradua, hopi di nan a dicidi di keda na Aruba. Pero e motibo ta entre otro, pasobra nan tin un trabao caba of cu nan tabata traha despues di scol of pasobra cu tin hopi trabao den mercado.
Ta bon pa nan sondia kico ta nan posibilidadnan prome cu nan bay afo. Tin hopi organisacion cu ta duna oportunidad pa e hobennan aki crece den nan luga di trabao. Na Aruba tin scarsedad di trahado y ora nan bay afo ta tiki e chens cu nan ta bin bek, a agrega. E kier encurasha nan toch pa nan keda na Aruba.
Pa esnan interesa den inscripcion pa e aña escolar nobo 2024-2024 por haya mas informacion riba e facebook page di Colegio EPI of nan website.
