Dialuna ta cuminza cu exposicion Lamatera y Tintamarre

ORANJESTAD (AAN): Biblioteca Nacional Aruba ta presenta un exposicion di arte. Esaki ta habri di dialuna 19 pa 28 di October.

   E tematica di e exposicion ta Lama y Tera y e colornan resplandeciente di lama, sea den movecion of calmo, mira desde e perspectiva dual. Arte por cambia mundo. E exposicion di cuadra ta di dos artista pintor: Wouter van Romondt y Steve Francees.

   Titulo di e exposicion ta ‘Lamatera y Tintamarre’. Steve Francees y Wouter van Romondt ta hiba nos riba un biahe den tempo na lugarnan di mundo for di nan propio perspectiva, riba un buskeda di e esencia di arte y creatividad. E exposicion ta habri di dia 19 pa 28 di October durante orario regular di biblioteca. Entrada ta gratis.