ORANJESTAD (AAN): Departamento di Obra Publico ta informa pueblo di Aruba en general y specialmente automovilista- y peatonnan
cu pa dialuna 28 di november 2022 lo continua cu fase 2 pa cu e construccion pa mehora e collector riool entre Costa Linda y Screaming Eagle Restaurant.
Lo cera e parkinglot pazuid di caminda na haltura di Coco Loco parcialmente. Lo cera e entrada di e parkinglot na haltura di La Quinta te cu Coco Loco pa pone e tubonan y haci e conexionnan necesario.
E parkinglot pa bus of taxi na haltura di Coco Loco lo keda cu acceso. Durante e construccion lo kita un parti di e vangrails y lo traha un drempel den e median pa e bus of taxi por yega na e parkinglot, manera ta indica riba e mapa adjunto.
E trabaonan aki lo tin un duracion di 20 dia di trabao.
En conexion cu esaki Departamento di Obra Publico ta haci un peticion na tur peaton y manehador di auto pa tene cuenta cu e trabao nan cu ta tuma luga. Pa cual ta pidi tur automobilista, hotel, negoshi y otro usuarionan comprension y disculpa pa cualkier inconveniencia cu e trabaonan por ocasiona.
