Dialuna atardi Heintje lo sali di Mina di Fosfaat

ORANJESTAD (AAN): Desde Diasabra 2 di October 2021, Heintje Ras a drenta den Mina di Fosfaat den Colony, cu un solo meta!

Pa recauda fondo pa e Mega Museo di Antiguedad bira realidad, y tambe pa e sobrepasa e record, y yega na 100 dia cera den un mina sin cu el a mira solo ni luna.

   El a baha den e Mina pa 5’or di atardi, y e momento ta bay yega pa e sali bek, cumpliendo 100 dia.

  Fundacion Museo di Antiguedad nos Bieunan a confirma na prensa, cu Heintje Ras lo ta saliendo bek di e Mina aki, riba Dialuna 10 di Januari 2022 pa 5:00 pm.

   Pues e ora el a marca un total di 100 dia cu el a keda den e Mina.

   Keto bay bo por contribui cu un donacion pa haci e Mega Museo bira realidad.  Haci esaki pa e Fundacion via cuenta di banco RBC Bank na #7700000100257292.