ORANJESTAD (AAN): Diahuebs awor 11 di Mei 2023, pa 8:00 pm lo tin e apertura di e workshop di 3D, yama Re-Move.
Bou guia di e artista maestro Hulandes, Maze de Boer. Cu como persona no ta solamente un gran artista cu un trajectoria impresionante pero tambe ta un persona excepcional.
Bou di e titulo Cambiando Bida, e participante nan di e workshop mester a traha cu e concepto di remove. Move o kita e parti patras di e objeto cu bo a diseña y haci un obra nobo di esaki. Un comovecion diferente cerca e participante nan di e workshop aki cu mester a crea obranan nobo for di e concepto aki. Dunando nan un caminda di experimenta n inespera. Kico ta e parti patras di bo idea kico e tin y con bo ta visualisa esaki.
Pa un luna largo e artistanan participe mester a traha durisimo pa bin cu nan obranan nobo nan, di cual Diahuebs awor nos lo ta orguyoso di presenta na e publico en general su resultado. Mustrando nan obranan nobo ta Suzanne van Spall, Aldrich Kelly, Arabella Maduro, Brice Lautric, Judith Werleman, Farley Croes, Shamika Ermaine, Bastiaan Zwiers, Nuris Lampe y Maze de Boer.
Hunto cu e exposicion aki lo presenta den un ''Special Presentation" obranan recien di nos artistanan den residencia. Di nos hermana isla nan di Caribe, for di un intercambio entre BIAC Martinique, Ateliers '89 y Caribbean Linked. Esta e artista hoben nan Shamika Ermaine di Sint Maarten y Brice Lautric di Guadeloupe. Pesey bin y ta participe di esaki y duna bo aporte na nos arte contemporaneo di Aruba y su artistanan. Den un forma agradable acompaña pa Master Dj Adriano Nanof cu un bar y cushina bon surti.
