Director di AZV Edwin Jacobs:
ORANJESTAD (AAN) – Director di AZV, Edwin Jacobs a señala, den conferencia di prensa, cu via e indicadornan por tira un bista riba e cantidad di aseguradonan y por mira cu AZV a cera aña 2022 cu 107.831 asegurado.
Durante e pandemia tabata tin un bahada den e cantidad di aseguradonan y a crece bek na 2022, pero ainda no alcanzando e nivel di 2019, cu tabata 108.897 asegurado.
“Pero nos a mira un crecemento den esaki, y mirando e recuperacion economico cu practicamente nos a surpasa e nivel e GDP di 2019, nos ta premira un crecemento grandi den e siguiente añanan, pa loke ta e cantidad di aseguradonan”, Ir. Jacobs a señala.
El a referi na un comunicado di prensa, na momento cu a entrega e cuenta anual na Minister di Salud Publico, den esey e minister a señala cu AZV a indica su preocupacion pa loke ta trata e maneho di admision, cu e proximo añanan ta bira esencial y necesario, pa por mantene y promove e crecemento economico. Pero e tin su impacto riba e riba dje y AZV ta desea cu nan por ta sinta na mesa y duna nan e pensamentonan y evaluacionnan di ki ta e impactonan cu esakinan bay tin, pa AZV prepara e fondo pa cu esaki.
