ORANJESTAD (AAN)- Departamento di Economische Zaken, Handel & Industrie
(DEACI) ta informa cu lo bay bin un sesion di informacion over di e programa nobo di ciencia y innovacion di Union Europeo.
Esaki tambe lo bay ta e lansamento oficial di e programa Horizon Europe den Latinoamerica y Caribe. Esaki lo tuma lugar diahuebs awor dia 8 di juli, pa 11:00’or di mainta, ora local. Lo live-stream via YouTube y lo no tin un grabacion disponibel.
Por registra na:
https://euconf-eu.zoom.us/webinar/register/WN_oZEXvXKpTxCplweOs-exjg
Interesadonan por registra na e link aki riba.
E sesion lo ta na e idioma Ingles y na mesun momento lo haci e interpretacion na Spaño.
Tocante Horizon Europe:
Horizon Europe ta e programa di cooperacion nobo di Europese Commissie y tin un presupuesto total di 95.5 miljard di euro. E ta core den e siguiente 7 añanan di 2021 pa 2027.
E fondonan aki ta subsidio cu ta wordo otorga despues di un tender y ta proyectonan cientifico y innovativo pero tambe pa tackle e retonan global. Meta ta pa crea empleo di halto nivel y pa mehora e calidad di bida.
