ORANJESTAD (AAN): Dia Mundial di Teatro ta riba tur 27 di maart di tur aña. Un dia proclama pa UNESCO.
Y pa e ocasion aki Ministerio di Cultura, Departamento di Cultura Aruba, Fundacion Arte Pro Arte Aruba (FARPA) y Cas di Cultural Aruba ta presenta un anochi di expresion caminda teatro ta bibo riba escenario den Cas di Cultura despues di tabatin un masterclass ofreci na docentenan di CKV, director y actornan di teatro.
Esaki ta tuma lugar diadomingo 27 di maart 2022 di 7:30 p.m. pa 10:00 p.m. den Cas di Cultura, entrada ta completamente gratis.
Bin disfruta di un tremendo presentacion como parti di e resultado final di e Masterclass de teatro dirigi door di e profesora internacional señora Hilda Hellwig.
Cu participacion di diferente Maestro y Directornan di Teatro renombra di nos comunidad, manera Joan Danies, Lupita Bernabela, Madelene Kelly, Gloria Bryce, Tuesday Irwin, Astra B. Paesch, Jarmine Acosta, Fatme Rigaud, Angelo Angela, Charles Croes, Carlos F. Croes, Mark Anthony Daylan Krozendijk, Ephrayím Ôdor, Ferdinand Franca y asistencia di Juliet Chieuw.
Hunto cu presentacion di Grupo RCC Aruba, Adriana Kozlov, Marilis Backer, Academia di Step by Step bou direccion di señora Sonia Geevers y Step by Step cu ta celebrando tambe su 30 aña di existencia. Hunto cu nan tin tambe presentacion di Club di Movimento.
Ministerio di Cultura, Departamento di Cultura Aruba, Fundacion Arte Pro Arte Aruba (FARPA) y Cas di Cultural Aruba ta spera tur amante di teatro y publico en general durante e anochi aki. Celebrando asina e Dia Mundial di Teatro.
