ORANJESTAD (AAN): Minister di Sector Primario, Geoffrey Wever hunto cu Minister di Hubentud, Gerlien Croes,
kier invita pueblo di Aruba pa un demostracion di ‘Programa Piskechi’ diadomingo awo, na e pier di Savaneta (ex-Brisas del Mar), cual ta recientemente renoba, entre 11:30 am - 2:30 pm.
Programa Piskechi ta un programa pa mucha y hoben entre 10 y 17 aña cu kier siña nos arte tradicional di pesca na man. E lo bay wordo duna tur luna na e mesun Pier aki.
Diadomingo durante ‘Open Monumenten Dag’ lo tin demostracion na e Pier aki pa mayornan por mira ki tipo di material ta wordo uza, con e ta wordo aplica, y con e curso lo wordo duna.
Esnan interesa por presencia e demostracion Diadomingo awor. Hunto por engrandece e sector di pesca bao di hobennan.
