ORANJESTAD (AAN): Diadomingo Dia 8 di November 2026, Marcos Bislip Jr. ta cumpli 45 aña den radio difusion.
Marcos Bislip Jr. a cuminsa su carera den radio Dia 8 di November 1981 cu apenas 14 aña di edad na Radio Antilliana 1270 AM. Sr. Tuyo Prins director di Radio Antilliana 1270 AM hunto cu Morgan Arrindell a percura pa siña Marcos pa cu e trabou di radio.
Marcos a bira operador, locutor, productor y presentador di programa na radio. Na 1987 el a wordo reconoci pa Aruba Toastmaster como un di e mihor locutornan hubenil na Aruba.
Na aña 1983 Marcos ta haya un preparacion mas avansa y profesional den radio y television for di BBC Radio & TV tambe e era di noticia via satelite a inicia pa cu television y despues radio. Marcos a sigui su carera di AM pasa pa FM y ta cuminsa un reto nobo na 1988 na Radio Carina FM 98.9 te cu na 1989 y na 1990 ta bay cu Radio Canal 90 FM y sigui pa Radio Voz di Aruba AM 1320 AM Marcos a traha cu Roberto Geerman na Radio Antilliana 1270 AM y despues na Canal 90 FM hunto cu Ruben Scorpio Garcia Marcos tabata duna noticia di ora na Canal 90 FM y Voz di Aruba 1320 AM.
Marcos a traha marduga pa mainta na Radio Carina FM 98.9 y Canal 90 FM y ta e record holder di presenta programa marduga na radio y despues Marcos a sigui na 1999 y 2000 na TOP 95.1 FM Marcos a bay dirigi Noticia principal di TOP 95.1 FM como hefe di departamento di noticia hunto cu Harry Croes y Ans Henriquez. Marcos a bay despues na Galactica GFM 99.9 y a traha cu Roberto Geerman, Joe Hernandez, Tico Bee, Nichi Williams, Vicro y otronan.
Na Radio Carina FM Marcos a traha cu Joe Hernandez, Ivan Kelly Jr. Marcel Carrion, Lenny Denz y otronan e scol di radio. Na aña 1990 Marcos a drenta e tereno di astronomia y a bira astronomo y a inicia cu e conteo di fin di aña y a combina e tereno di astronomia cu radio y na 1992 Marcos ta combina e tereno di medio ambiente cu radio tambe tempo y climatologia y na 1999 sismologia.Marcos ta e unico locutor y miembro di prensa cu tin preparacion ariba e diferente terenonan cientifico tambe ufologia y paraphysicologia y a uza esakinan pa bin cu seccionnan informativo y educativo na radio Earth News, Astro News, Nos Insolito Mundo y Universo y ultimo Guinness News Aruba.Marcos y Roberto Geerman semper for di aña 1985 ta e promenan cu a transmiti Carnaval via un telefon cu Marcos a modifica y despues 5 Aña via e sistema digital awendia Marcos ta transmiti via remote via e sistema mas moderno den radio y media via un server cu no tin delay den seconde transmitiendo den e tecnologia di m/s millisecond cu ta perfecciona e signal y calidad di zonido digital stereo HD y mas liher cu seconde den milliseconde tempo real.
Aruba ta keda cordialmente invita pa scucha e programa special dia 8 di November 2026 atraves di Top FM 95.1 pa 8’or di anochi te cu 12’or di mei anochi. Despues di e 45 aña nan ta bay 5 aña mas pa cumpli 50 aña den radio cu poder di Dios.
Marco ta gradici Papa Dios cu a dun’e talento pa radio y na su tata en felis memoria y na mama y na Tuyo Prins y Morgan Arrindella y na colega ruman den radio Roberto Geerman en felis memoria.
