Riba Dia Internacional Abolicion di Sclavitud
ORANJESTAD (AAN): Mañan Diadomingo, esta 23 di Augustus den cuadro di Dia Internacional pa Conmemora e Negoshi di Esclavo y su Abolicion.
Riba e dia historico aki, nos ta para keto pa recorda e lucha, e corahe y e resistencia di nos ancestronan den Caribe y honra nos heroean cu a lanta den un epoca scur di sclavitud.
Archivo Nacional Aruba ta extende un invitacion pa un actividad conmemorativo, na unda nos lo para keto na nos Heroenan di Libertad, di islanan Caribense Hulandes.
E actividad aki ta wordo organiza na Aruba pa Archivo Nacional, den coopracion cu UNESCO Aruba, Fundacion Amigonan di Archivo y cu sosten di Comite Herdenkingscomite Slavernijverleden, cu a percura pa e exhibicion y presentacion di produccion di video di e hereonan aki, manera Tula (Corsou), Thico (Aruba), Martis di Catalina Janga (Bonaire), One-Tete Lohkay (Sint Maarten), Thomas Dupersoy hunto cu lidernan sclavisa Abraha, Joseph, Prince, Oscar y Valentine (St. Eustatius).
Banda di para keto na e heroenan aki, nos lo kier atende cu e importanacia di e dia aki, pero tambe inicia cu un combersacion referente e topico di "reparacion" y tambe "un dia special pa nos hereonan" y haci proposicionnan al respecto.
Na e ocasion aki lo presenta un exhibicion y algun produccion di video prepara pa e Komite Konmemorashon Pasado di Sklabitut. E actividad lo ta di 6or di atardi pa 8 or di anochi na Archivo Nacional Aruba.
Honrando nos heroenan ta importante, pa asina nos fortalece nos identidad, cultural, recorda nos riba e luchta contra colonialismo y sclavitud y inspira futuro generacionnan di nos isla. E actividad ta di 6:00 pm pa 8:00 pm.
