ORANJESTAD (AAN): E momentonan aki Aruba tin 28 caso activo riba henter e isla di Covid-19.
Riba Diadomingo, Aruba a conoce 2 caso nobo di Covid-19, di cual 1 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 341 test. 'Positivity rate' entre nos residentenan ta 6%.
Fuera di esey, segun resumen un total di 3 persona a recupera.
Te cu awor, desde cu e pandemia a start, e cantidad di fayecido na Aruba relaciona cu Covid-19 ta 107.
Cantidad di personanan vacuna ta 66.635 cuta representa un promedio di 67% di e poblacion di 18 aña bay ariba.
