Diabierna Biblioteca Nacional a topa cu muchanan di Bubali den e Sport Club

Cu su interesante programa “Drenta den bo bario cu BNA”

ORANJESTAD (AAN) – E Programa “Drenta den bo bario cu Biblioteca Nacional”, Diabierna ultimo a tuma lugar na Sport Club di Bubali.

            E muchanan a pasa un ora hopi contento, cu cantamento, conta cuento, storia, y haya informacion di señora Savala di Biblioteca Nacional.

            Diahuebs di e siman aki, esta dia 4 di Augustus, e clausura lo tuma lugar na San Nicolas, cu diferente actividad na Biblioteca Nacional mes.