Jason Mathilda atrobe dilanti Huez
ORANJESTAD (AAN): Diabierna awor 14 October 2022, Corte di Husticia den Promer Instancia ta trata e lamentable caso di un homber cu a tira su tata mata. Ta trata aki di e penal contra Jason Mathilda, kende ta worde acusa di a tira su tata E. Mathilda mata riba 13 December 2021.
Despues cu den un caso pro forma, Hues a dicidi cu lo laga un psychiater di Hulanda evalua Jason Mathilda, awor ta asina leu pa tratamento di e caso.
Ta asina cu Hues a tuma e decision di laga un psychiater di Hulanda evalua Jason Mathilda pasobra a pidi un raport di psychiater pero esaki no tabata cla. Hues a bisa cu por a compronde cu ningun psychiater na Aruba a pone su mes disponible pa traha un raport. Esey a haci cu e Hues, kende tabata sa cu tin un psychiater di Hulanda biniendo Aruba y Antiyas, a dicidi di pidi su asistencia di biaha. A keda palabra cu 14 October 2022 lo trata e caso.
Diabierna awor lo trata e lamentable caso caminda Jason Mathilda a tira su tata y despues a hib’e hospital, caminda E.Mathilda a fayece. Durante tratamento di e caso, lo bay sali na cla kico realmente a sosode y lo informa comunidad di esaki.
