Combina cu celebracion Himno y Bandera
ORANJESTAD (AAN): Diabierna 10 di Maart Colegio San Augustin lo presenta su Science Fair combina cu un tremendo Celebracion di Himno y Bandera.
Nan kier a haci un invitacion na pueblo di Aruba en general pa ta presente y asina disfruta di un atardi y anochi yena cu entretenimento (declamacion di poesia, baile y canto).
Nan lo tin stands camina lo presenta diferente snacks criyoyo. Esaki a forma parti di un proyecto cu alumnonan di nos scol mester presenta cu ta inclui e materianan Arte, Religion y papiamento.
E science Fair ta toca e materianan Natuur y Scheikunde. Lo culmina e anochi cu presentacion di Jonathan Croes, cu ta un Ganador di Festival di un canto na Aruba su Himno y Bandera.
Nan ta spera di por conta cu boso presencia.
