ORANJESTAD (AAN): Gabinete AVP-Futuro hunto cu comerciantenan den Caya Grandi ta anuncia e siguiente edicion di Ban Bek Caya cu
lo tuma luga diabierna awo dia 31 di october di 6’or di atardi pa 10’or di anochi.
Mirando e exito rotundo di e prome Ban Bek Caya, cu a conta cu alrededor di 5 mil hende cu a sali for di cas y a bay haci compras y disfruta di e ambiente, Gobierno di Aruba, Departamento di Cultura y Aruba Tourism Authority, ta organizando un otro edicion.
Atrobe lo tin oferta special durante e shopping night. Ademas lo tin un variedad amplio di cuminda y entretenimento den Caya grandi, cuminsando na Plaza Daniel Leo te cu Djiespie’s Place sigui riba Columbusstraat y Wilhelminastraat.
Caya Grandi lo tin evento den tur skina: Cuminsando for di Plaza Daniel Leo lo tin 1-OAK, DJ Devin, DJ Ramiro, special halloween Mojito happy hour di 4 pm pa 10pm. Pehna lo tin Lilo and Stich. Happy Spot y Polo lo tin DJ Alvin.
Na Dufry lo tin dino jump pa nos muchanan. Plaza La Linda lo DJ Double R riba stage como tambe Ozone Band y hopi na food & beverage. Mas memey di Caya Grandi na Maggy’s lo tin diferente oferta y tambe DJ Vanessa.
Ana Catharina cu ta un “hot spot” nobo den Caya Grandi lo tin Cookout, Little One, Mint, Lime & Beans, Liquid Chef. Plaza Pro Fashion lo tin actividad pa mucha. Aruba Trading Company lo ta na ex-Burger King cu nan Cerbes Presidente acompaña pa DJ T. E ambiente di Ban Bek Caya ta sigui ta na Plaza Cultura unda lo tin Trunk Trick or Treat y DJ 297.
Plaza Nikkie Habibe na Djiespies Place lo tin e banda Azucar cu ambiente pa nos grandinan cu tambe por disfrasa, baila y goza. Plaza Comercio riba Columbusstraat te na Wilhelminastraat lo tin ambiente di I Culture Roots - Reggae Band y DJ Splash. Lo tin Dino Jump p’e muchanan, artesania y producto local. Ademas un Tuc Tuc di Balashi pa refresca e garganta.
Varios restaurant den Wilhelminastraat lo ta habri tambe e.o. Universal Restaurant, El Gaucho
Pepe Margo, Taste of Aruba, Old Dutch Bakery y Suiker Tuintje.
Ademas lo tin varios tent reparti strategicamente riba e ruta den Caya Grandi y varios kiosco di productonan artesanal produci localmente. Diabierna awo, Caya Betico Croes bin un y tur disfraza pa celebra hunto Halloween!
