Diabierna a tuma lugar apertura di Oficina “Ban Studia y EducationUSA

ORANJESTAD (AAN)-- Diabierna 20 di Maart a tuma lugar apertura oficial, di Oficina “Ban Studia y EducationUSA”,

cual ta bay bira e centro di guia pa nos studiantenan, cu sea ta scoge pa sigui estudio Academico,  na Aruba mes of den exterior of esnan cu ainda no sa kico nan kier studia, den e oficina aki nan por ricibi guia y orientacion p’asina nan acerca mas na locual nan kier studia y haya nan diploma.

“Ban Studia y Education USA” ta ubica na Zoutmanstraat-1- den e edificio recientemente renova (den  pasado e prome sede di Museo Arkeologico).

Minister di Relacionnan di Reino, Enseñanza, Hubentud, Innovacion y Deporte, señora Gerlien Croes, a hiba  palabra y a detaya con e idea di lanta un centro di guia y informacion manera esaki, a nace y bira un iniciativa di su mes persona.