ORANJESTAD (AAN): Directiva di Centro di Bario Playa Pabao ta participa na e hubentud y adultonan di Playa Pabao y di Aruba en general cu e aña aki lo tuma luga su tradicional competencia di fli.
E actividad aki ta tuma lugar diahuebs 27 di april pues Dia di Rey na Centro di Bario Playa Pabao.
Inscripcion ta tuma lugar Diabierna 21 april di 4’or pm pa 7’or pm den e Centro. E suma di inscripcion ta 10.00 Florin pa fli di categaria A y B, y 15 Florin pa categoria C.
DIARIO a compronde cu e competencia ta cuminsa Dia di Rey mainta pa 9’or. Lo competi den 3 categoria: Categoria A di 50 cm te 100 cm. Categoria B di 101 cm te 150 cm. Categoria C di 151 cm te 200 cm.
Tuma bon nota cu den categoria A por inscribi 60 fli, Grupo B 60 fli y grupo C 60 fli. Directiva di Centro di Bario Playa Pabao ta pidi participantenan pa tuma bon nota di e categorianan y e horario di inscripcion y ta desea e participantenan tur clase di exito riba e dia aki. Lo tin un bar y cushina bon surti. Pues bin celebra Aña di Rey den un ambiente familiar na Centro di Bario Playa Pabao. Directiva ta anuncia cu riba e dia aki ta prohibit pa trece bebida riba di tereno di Centro di Bario Playa Pabao.
