ORANJESTAD (AAN)- E wega ta asina popular cu apenas den un par di ora ya e 64 grupo cu por acepta, den e campeonato, ta yama pa reserva nan luga.
Pero realidad ta, cu ta e dia di inscripcion ta hopi importante pa yega Centro di Bario Brazil pa sigura.!! bo team su participacion.
Mens Erger Je Niet LIVE ta haci un yamada na tur grupo cu desde su inicio ta participa tur aña, cu e fecha oficial pa inscribi bo grupo ta dia 5 di April, for di 6:00pm te 9:00pm na Centro di Bario Brazil.
E Tercer lustro (15 aña)di Mens Erger Je Niet LIVE ta cuminsa dia 22 di April, 7:30pm.
Cuminsa traha riba boso spandoek, uniform, borchi. pa identifica bo grupo dia di apertura di e campeonato grandi di Mens Erger je Niet LIVE.
Teamnan nobo cu kier participa ta mas cu bon bini, por tuma contact cu EDDIE DANDLAU na cel 5662208 of Whatsapp.
