Presidente di Comision Michella Lacle:
* Ya caba Plan di Mayor ta tumando casonan di parehanan cu kier mediation
ORANJESTAD (AAN) — Presidente di Comision Plan di Mayor, Michella Steenvoorde-Lacle, a duna DIARIO un update di e desaroyonan di Plan di Mayor, durante e Luna di September cu a pasa.
Michella Lacle a duna di conoce cu e “Loket Plan di Mayor” ta cla y situa na Centro Pa Hoben y Famia, na Sabana Blanco 68-C, na Wayaca, y ademas a duna di conoce e siguiente eventonan:
“Dia 21 di September, Plan di Mayor a reuni cu Corte di Prome Instancia y a delinea con e casonan lo wordo referi na Mediation.
Dia 22, el a reuni cu Orden di Abogadonan pa presenta e Proyecto Plan di Mayor. Di dia 25 pa 29, 18 profesional trahando den e parti ‘curativo’, di e cadena di proteccion di mucha/hoben, a haya un opleiding Oderschap Blijft y Parallel Solo Ouderschap, cu ta diseña door di Landelijke Expertise Centrum di Complexe Scheidingen, cu ta registra como effectieve Interventie den e data base di Nederlandse Jeugd Intituut y SKJ cu ta e Stichting Kwaliteit Jeugdwerkers.
Ya caba Plan di Mayor ta tumando casonan di parehanan cu kier mediation pa yega na un plan di mayor.
Dia 23 di October tin planea di haci e 'soft'openin'g di Plan di Mayor su Loket oficialmente. E KIES kind Plan/ KIES Jongeren Plan a wordo traduci na Papiamento, Spaño, y Ingles y awor lo wordo manda na e ‘vormgever’ pa dreche den e diseño y ‘branding’ di KIES”, Michella Lacle, Presidente di Comision Plan di Mayor a señala.
